ភ្នំពេញ៖ ព្រះមហាក្សត្រនៃព្រះរាជាណាចក្រកម្ពុជាសម្ដេចព្រះបរមនាថ នរោត្តម សីហមុនី បានសម្រេចឡាយព្រះហស្តលេខាលើព្រះរាជក្រឹត្យថ្មីដែលអនុញ្ញាតឲ្យចៅក្រមនិងព្រះរាជអាជ្ញាណនៃសាលាឧទ្ធរណ៍អាចធ្វើការបានដល់អាយុ ៦៥ឆ្នាំ។

ក្នុងព្រះរាជក្រឹត្យឡាយព្រះហស្ថលេខានៅថ្ងៃទី៨ ខែមេសា ឆ្នាំ២០២៣ នេះព្រះមហាក្សត្រ សម្ដេចព្រះនរោត្តម សីហមុនី ប្រានត្រាស់បង្គាប់ថា ចៅក្រមនិងព្រះរាជអាជ្ញានៃសាលាឧទ្ធរណ៍ត្រូវចូលនិវត្តន៍នៅអាយុ៦០ ក៏ប៉ុន្តែអាចដាក់ពាក្យស្នើសុំពន្យារមួយឆ្នាំម្ដងរហូតដល់អាយុ ៦៥ឆ្នាំ។

ព្រះអង្គត្រាស់បង្គាប់ថា៖ «ការអនុញ្ញាតឱ្យ ពន្យារពេលនៃការចូលនិវត្តន៍ និងការបន្តការងារនេះ ត្រូវធ្វើឡើងដោយផ្អែកលើសមត្ថភាពការងារ គុណសម្បត្តិ និងស្នាដៃការងារដែលបម្រើឱ្យវិស័យយុត្តិធម៌ ព្រមទាំងសុខភាព និងសម្បទាវិជ្ជាជីវៈរបស់សាមីខ្លួនម្នាក់ៗ»។

ការអនុញ្ញាពន្យាពេលនៃការចូលនិវត្តន៍ និងការបន្តការងារនេះ ត្រូវធ្វើឡើងដោយព្រះរាជក្រឹត្យតាមសំណើររបស់ដ្ឋមន្ត្រីក្រសួងយុត្តិធម៌ បន្ទាប់ពីបានពីព្រោះយោបល់ជាមួយសមាជិកទាំងអស់នៃឧត្តមក្រុមប្រឹក្សានៃអង្គចៅក្រម៕